உசன் மண்ணைச் சேர்ந்த இன்னுமொரு சிறுமியின் இசைப் பிரவாகம் மனதைத் தொட்டுச் செல்கிறது. இளங்கீரன் - ரோகினி தம்பதியினரின் மகள் தியானா இளங்கீரன் தனது உடன் பிறவாச் சகோதரிகள் திருத்திகா சுகர்ணன் (UK) மற்றும் மதுஷிகா சுகர்ணன் (UK) ஆகியோருடன் இணைந்து வெளியிட்டுள்ள முதலாவது இசைக் காணொளி "கோடி தரம் பாடும் வரம்" விஜயதசமி தினமான October 14 அன்று வெளியிட்டு வைக்கப்பட்டுள்ளது.
இசைக் குடும்பத்தின் வாரிசான தியானா தன் இசைத் திறமையை மென்மேலும் வளர்த்து திருத்திகா மற்றும் மதுஷிகா ஆகியோருடன் உச்சத்தைத் தொட உசன் ஐக்கிய மக்கள் ஒன்றியம் - கனடா வாழ்த்துகிறது.
நல்ல பாடல் வரிகள், நயமான இசையமைப்பு, அழகிய படப்பிடிப்பு, நேர்த்தியான ஒளிப்படத் தொகுப்பு, இனிமையான குரல் வளம் நிறைந்த இந்த இசைக் காணொளியை நீங்களும் பார்த்துப் பரவசமடைவதோடு இந்த இளம் கலைஞர்களுக்கு உங்கள் மனம் நிறைந்த வாழ்த்தைத் தெரிவியுங்கள்.
இவரின் பெற்றோர் கீரன், ரோகா மற்றும் தாய் வழிப் பெயர்த்தியார் ரஞ்சி வெற்றிவேலு மூவரும் இசைக் கலைஞர்கள் என்பது இங்கு குறிப்பிடத்தக்கது.