உசன் பண்டிதர் சரவணமுத்து பொது நூலகத்தில் வருடம்தோறும் நடைபெற்றுவரும் நவராத்திரி நிகழ்வு இவ்வருடம் நூலக தலைவர் திரு கனகரத்தினம் தலைமையில் கடந்த சனிக்கிழமை, October 24, 2020 அன்று நூலக மண்டபத்தில் இடம்பெற்றது.
நூலக நிர்வாக குழு உறுப்பினர்கள் மற்றும், மாணவர்கள் என பலரும் இந்நிகழ்வில் கலந்து கொண்டனர். இந்நிகழ்வு பூசையை உசன் கந்தசுவாமி கோவில் பிரதமகுரு, அருள்வாக்குச் சித்தர் கேதீஸ்வரக்குருக்கள் சிறப்பாக நடாத்திவைத்தார். அதனைத்தொடர்ந்து நூலகத்தில் வயலின் பயிலும் மாணவர்கள் அவர்களுடைய ஆசிரியரான திருமதி சிவகுமார் அவர்களின் நெறிப்படுத்தலில் வயலின் கச்சேரி ஒன்றினை நடத்தினர் அதனைத் தொடர்ந்து நிகழ்வுகள் யாவும் இனிதே நிறைவேறின.
