உசன் இராமநாதன் மஹா வித்தியாலயத்தில் 1995 ம் ஆண்டு , தரம் 5 ல் கல்வி கற்று புலமை பரிசில் பரீட்சைக்கு தோற்றிய வகுப்பை சேர்ந்த பழைய மாணவாகள் சிலர் ஒன்றிணைந்து .தாம் கல்விகற்ற எமது உசன் பாடசாலையில் ஒரு முன்மாதிரி நிகழ்வை நடத்தியுள்ளனர் . தற்போது இலங்கையில் பொது உளச்சார்பு மற்றும் பொது அறிவு சம்பந்தப்பட போட்டிபரீட்சையானது எல்லோருக்கும் மிகவும் முக்கியமான ஒரு தடைதாண்டல் பரீட்சையாக விளங்கி வருகிறது.
இந்த பரீட்சையை உசன் பாடசாலை மாணவர்கள் இலகுவாக எதிர்கொள்ள சபதம் கொண்ட 1995 ம் ஆண்டு , தரம் 5 ல் கல்வி கற்று புலமை பரிசில் பரீட்சைக்கு தோற்றிய வகுப்பை சேர்ந்த பழைய மாணவாகள் , தரம் 4 முதல் 13 ம் ஆண்டு வரையுள்ள மாணவர்களுக்கு இரு முறை போட்டி பரீட்சை வைத்து அதை தாமே தயாரித்து , மதிப்பீடு செய்து பெறுமதியான பரிசில்கள் வழங்க தீர்மானித்துள்ளார்கள்.
மாணவர்களை மூன்று பிரிவாக பிரித்து ஒவ்வொரு பிரிவிலும் முதல் மூன்று புள்ளிகளை பெறும் மாணவர்களுக்கு பரிசில்கள் வழங்கப்படும். அந்த வகையில் இம் முறை அப் பரீட்சையை பாடசாலை சமூகத்தின் உதவியடன் நடத்தி மொத்தம் 15 மாணவர்களுக்கு இன்று பரிசில்கள் வழங்கி மாணவர்களை உற்சாகபபடுத்திஉள்ளோம். நிச்சயம் இம் முயற்சி மாணவர்களுக்கு போட்டி பரீட்சைகளுக்குரிய மிகவும் சிறந்த அடித்தளத்தை வழங்கும் என்பதில் ஐயமில்லை அதே நேரம் ஏனைய பழைய மாணவர்களையும் பாடசாலைக்கு பல வழிகளில் தமது பங்களிப்புக்களை வழங்குவதற்குரிய எடுத்துக்காட்டாகவும் இம் முயற்சி இருக்கும் . அது மட்டுமன்றி இவ்வாறான நிகழ்வை வருடத்தில் இரு தடவை நடத்தி பரிஸில் வழங்க இந்த இளையவர்கள் முன்வந்துள்ளனர் . இவர்களுக்கு னைவரும் இணைந்து பங்களிப்பு வழங்கி எமது பாடசாலை மாணவர்களை உட்சாகப்படுத்த வேண்டிய கடமை அனைவருக்கும் உண்டு
இந்த அளப்பரிய முயற்சியை செய்து காட்டிய இந்த இளைய உணர்வுள்ள பழைய மாணவர்களை பாராட்டுவதில் , கனடா உசன் ஐக்கிய மக்கள் ஒன்றியம் பெருமை கொள்கிறது .
தொடர்ந்து வரும் இவர்களின் முயற்சிக்கு எமது ஒத்துழைப்பை வழங்க தயாராகவுள்ளோம் .
மிகவும் இக்கட்டான சூழ்நிலையில் இருக்கும் எமது [பாடசாலையை மீண்டும் நிமிர்த்த இதே போன்று பழைய மாணவர்கள் தாமாக ஒன்றிணைய வேண்டும் என வேண்டுகிறோம் ,
உங்களுக்கு சகல வழிகளிலும் உதவ .. கனடா உசன் ஐக்கிய மக்கள் ஒன்றிய தயாராவே உள்ளது
உங்கள் தொடர்புகளுக்கு
செயலாளர் +16474487434
உசன் தொடர்பாளர் : +14168332120
