கனடாவில் வாழும் உசன் ஐக்கிய மக்கள் ஒன்றியத்தின் அங்கத்தவர்களிடையே விளையாட்டுத் திறமையை வளர்க்குமுகமாக "Usan Sports Club" உருவாக்கம் பெற்றுள்ளது. கடந்த வருடத்திலிருந்து பிரதி செவ்வாய் தோறும் Badminton பயிற்சி நடைபெறுவதை நீங்கள் அறிவீர்கள். அதன் வளர்ச்சியின் ஒருபடியாக March 14 ஆம் திகதி Toronto, கனடாவில் நடைபெறவிருக்கும் South Asian Badminton Tournament இல் எமது விளையாட்டு வீரர்கள் கலந்துகொள்ள உள்ளார்கள் என்பதை மகிழ்ச்சியாகத் தெரிவித்துக்கொள்கிறோம்.
இந்த வீரர்களுக்கு கனடாவின் Royal Brokerage நிறுவன அதிபர் திரு. சிவா கந்தையா அவர்கள் அனுசரணை வழங்க முன்வந்துள்ளார்.
கனடா வில் இருக்கும் பல நாட்டு வீரர்கள் இதில் போட்டியிட உள்ள நிலையில், எமது உசன் கிராமத்தை சேர்ந்த இளம் வீர்கள் முதன் முதலில் "Usan Sports Club" சார்பாக களமிறங்கவுள்ளனர். இந்தப் போட்டி நடைபெறவிருக்கும் இடம் மிகவும் முக்கியம் வாய்ந்தது. எதிர்வரும் ஜூலை மாதம் நடைபெறவுள்ள PAN-AM Game க்காக கட்டப்பட்டுள்ள புதிய Markham PAN AM Center ல் நடைபெறவுள்ளது. இதில் பல்கலாச்சார நாட்டவருடன் அரசியல் பிரமுகர்களும் கலந்து கொள்ளவுள்ளனர்.
இது குறித்து மேலதிக தகவல்களுக்கு உமாபதி அல்லது சிவகுமார் ஆகியோருடன் தொடர்பு கொள்ளலாம். South Asian Badminton Tournament இல் பார்வையாளர்களாகக் கலந்துகொண்டு உசன் விளையாட்டு வீரர்களுக்கு உற்சாகமூட்டுமாறு அன்போடு கேட்டுக்கொள்கிறோம்.
