உசன் இளையோரின் இரத்ததானம் ......

உசன் ஸ்ரீ முருகன் விளையாட்டுக்கழகத்தின் 53வது ஆண்டு நிறைவை முன்னிட்டு உசன் இராமநாதன் மகாவித்தியாலயத்தில் நடாத்தப்பட்ட மாபெரும் உயிர்காப்பு பணியான இரத்த தான முகாமில் பங்கு கொண்டு, "அன்பிலார் எல்லாம் தமக்குரியர் அன்புடையார் என்பும் உரியர் பிறர்க்கு" என்ற வள்ளுவர் வாக்குக்கு இணங்கத் தமது உதிரத்தை உவந்தளித்த உத்தமர்களுக்கு எமது கோடானுகோடி நன்றிகளைத் தெரிவித்துக் கொள்கிறோம். காலம் காலமாக உசனில் வாழும் இளையவர்கள் ஊருக்கும், நாட்டுக்கும் இவ்வாறு பணி செய்து வருவது யாவரும் அறிந்ததே. தொடர்ந்து வரும் சந்ததியினரும் அதைச் செய்து வருவது பாராட்டுக்குரியது. உங்கள் பணிக்கு உசன் ஐக்கியமக்கள் ஒன்றியம் - கனடா தலை வணங்குகிறது. தொடரட்டும் உங்கள் பொதுப்பணி.

இதை முன்னின்று நடத்திய ஸ்ரீ முருகன் விளையாட்டு கழக உறுப்பினர்களுக்கு எமது நன்றிகள்.