உசன் உறவுகளின் கோடைகால ஒன்றுகூடல்.

உசன் ஐக்கிய மக்கள் ஒன்றியம் - கனடாவால் வருடந்தோறும் நடாத்தப்படுகின்ற கோடைகால ஒன்றுகூடல் July 22, 2012 அன்று ஞாயிற்றுக்கிழமை இடம்பெற இருக்கின்றது. Scarborough, Canada வில் Neilson Road and Finch Avenue சந்திக்கு அண்மையில் அமைந்திருக்கும் Neilson Park இல் இந்த ஒன்றுகூடல் நடைபெற இருக்கின்றது.

கனடாவாழ் உசன் மக்கள் மட்டுமல்ல உலகெங்கும் பரந்து வாழும் உசன் மக்களும் கலந்துகொள்ளும் ஒரு நிகழ்வாக இந்த ஒன்றுகூடல் மாறிவிட்டது. அயல் கிராமத்து மக்களையும், உசன் இராமநாதன் மகா வித்தியாலயத்தில் கல்வி கற்றவர்களையும் அரவணைத்துக் கொண்டு நடாத்தப்படுகின்ற இந்த நிகழ்வில் நீங்களும் கலந்துகொண்டு மகிழ்ச்சியடைய உசன் ஐக்கிய மக்கள் ஒன்றியம் - கனடா அன்போடும், உரிமையோடும் அழைக்கின்றது.

அனைத்து வயதினருக்குமான விளையாட்டுப் போட்டிகளோடு அறுசுவை உணவும் உண்டு. சிறுவர்கள் வினோத உடைப்போட்டியில் கலந்து கொண்டு வெற்றிபெறும் சந்தர்ப்பமும் உண்டு.

உங்கள் உறவுகளோடு கூடி மகிழ்ந்திட July 22, 2012 ஆம் திகதியை இப்போதே குறித்து வைத்துக்கொள்ளுங்கள். வெளி நாடுவாழ் உசன் மக்களே உங்கள் பிரயாண ஒழுங்குகளை இப்போதே செய்து கொள்ளுங்கள்.

வாருங்கள் அனைவரும். கூடுவோம்! குதூகலிப்போம்!!